Бороотой үед замын гадаргуу норж, автомашины дугуй болон замын барьцалдах чадвар буурдаг. Үүний улмаас тоормосны зам уртсах, автомашин гулгах, үзэгдэх орчин хязгаарлагдах зэрэг эрсдэл нэмэгддэг.
Иймээс жолооч та дараах зүйлсийг анхаараарай.
### Хурдаа тохируулж явах
Нойтон зам дээр автомашины тоормосны зай хуурай үеийнхээс урт байдаг. Урдах автомашинаас хангалттай зай барьж, огцом хурд авах болон огцом тоормослохоос зайлсхийх хэрэгтэй.
### Ус тогтсон хэсгээр болгоомжтой зорчих
Гүн нь тодорхойгүй ус руу шууд орох нь автомашины хөдөлгүүр, цахилгаан систем болон бусад эд ангид гэмтэл учруулах эрсдэлтэй. Усны түвшинг тодорхойлох боломжгүй бол өөр зам сонгох нь хамгийн зөв шийдэл.
### Дугуйгаа шалгах
Дугуйн хээ элэгдсэн үед нойтон зам дээр гулгах эрсдэл нэмэгддэг. Дугуйн хээ, даралт болон ерөнхий байдлыг тогтмол шалгаж хэвшээрэй.
### Гэрлээ асааж, харагдах байдлаа нэмэгдүүлэх
Бороотой үед өдрийн цагаар ч үзэгдэх орчин мууддаг. Ойрын гэрлээ асааснаар та замаа илүү сайн харахаас гадна бусад жолоочид таны автомашиныг хурдан анзаарахад тусална.
### Шил арчигчийн ажиллагааг шалгах
Элэгдсэн шил арчигч борооны усыг бүрэн цэвэрлэж чаддаггүй. Энэ нь жолоочийн харагдах орчныг муутгаж, осол гарах эрсдэлийг нэмэгдүүлдэг.
### Автомашин гулгаж эхэлбэл тайван байх
Автомашин нойтон зам дээр гулгаж эхэлсэн үед огцом тоормослох, жолоогоо хүчтэй эргүүлэхээс зайлсхий. Хурдаа аажмаар бууруулж, жолоогоо тогтвортой барих нь чухал.
## Эрсдэлийг урьдчилан тооцоолох нь хамгийн сайн хамгаалалт
Замын нөхцөл байдал цаг агаарын байдлаас шалтгаалан богино хугацаанд өөрчлөгдөж болно. Тиймээс аялалд гарахын өмнө автомашиныхаа техникийн бүрэн бүтэн байдлыг шалгаж, замын нөхцөлдөө тохируулан хурдаа сонгож хэвшээрэй.
**Аюулгүй жолоодлого таны болон бусдын амь нас, эд хөрөнгийг хамгаална.**
Танд санал болгож байна
Тээврийн хэрэгслийн даатгал
