ТУЗ-ийн хараат бус гишүүн сонгон шалгаруулах зар
Компанийн тухай хуулийн 79 дүгээр зүйл, 81 дүгээр зүйлийг тус тус үндэслэн "Улаанбаатар хотын даатгал" ХХК-ийн ТУЗ-ийн хараат бус гишүүний сонгон шалгаруулалтыг зарлаж байна.
Тавигдах шаардлага:
- НББ, эдийн засаг, хууль эрхзүй, банк, санхүү, хөрөнгө оруулалтын чиглэлийн мэргэжилтэй эсвэл хослон эзэмшсэн, дадлага туршлагатай;
- Банк, санхүү, хөрөнгө оруулалтын чиглэлээр 5-аас дээш жил удирдах ажил эрхэлсэн туршлагатай;
- Тус компанитай ижил төрлийн үйл ажиллагаа явуулдаг, өрсөлдөгч аж ахуй нэгжийн удирдлагад ажилладаггүй байхаас гадна тус компанитай бизнесийн гэрээт холбоогүй, ижил төрлийн бизнесийн үйл ажиллагаа эрхлэхээр зөвшөөрөл хүссэн өргөдөл СЗХ-нд гаргаагүй;
- Өөрөө эсхүл нэгдмэл сонирхолтой этгээдтэй хамтран компанийн нийт гаргасан хувьцааны 5 болон түүнээс дээш хувийг эзэмшдэггүй;
- Өөрөө болон нэгдмэл сонирхолтой этгээд нь компанийн өнгөрсөн жилийн нийт борлуулалтын 1 хувиас дээш хэмжээний үнийн дүн бүхий хэлцлийг компанитай хийж байгаагүй;
- Өөрөө эсхүл нэгдмэл сонирхолтой этгээд нь компанид болон компани оролцогч нь болж байгаа нэгдлийн бусад оролцогч компанид эрх бүхий албан тушаал хашдаггүй, эсхүл сүүлийн 3 жилд тийм албан тушаал хашаагүй;
- Компанийн эрх бүхий албан тушаалтантай нэгдмэл сонирхолгүй, тэдгээрийн төрөл, садан, гэр бүлийн гишүүн биш;
- Төрийн үйлчилгээнээс бусад төрийн үйлчилгээ хашдаггүй;
- Англи хэлний бичгийн болон ярианы өндөр чадвартай.
Сонгон шалгаруулалтад оролцохыг хязгаарлах нөхцөл:
- Өмнө нь мэргэжлийн болон ёс зүйн ноцтой зөрчлийн улмаас хуулийн хариуцлага хүлээж байгаагүй;
- Тодорхой албан тушаал эрхлэх, эсвэл үйл ажиллагаа явуулах эрхийг нь шүүхийн шийдвэрээр хасаагүй, эрүүгийн хуульд заасан онц гэмт хэрэг үйлдэж шүүхээр ял шийтгэл хүлээж байгаагүй.
Бүрдүүлэх материал:
- Сонгон шалгаруулалтад оролцох хүсэлт;
- Анкет;
- Ажил байдлын тодорхойлолт /ажил эрхэлдэг иргэн байгууллагаасаа тодорхойлолт авах, ажил эрхэлдэггүй иргэн өөрийн хийж гүйцэтгэсэн ажлын талаарх мэдээлэл/;
- Боловсролын дипломын хуулбар;
- Иргэний үнэмлэхний хуулбар;
- Цээж зураг;
- Компанийн засаглалын сургалтад хамрагдсан гэрчилгээний хуулбар.
Сонгон шалгаруулалтын материал хүлээн авах хаяг:
Хүсэлтийг 2026 оны 12-р сарын 10-ны өдрийг хүртэл "Улаанбаатар хотын даатгал" ХХК-ийн байранд хүлээн авах бөгөөд khaliunaa@ubdaatgal.mn хаягруу хуулбарыг илгээнэ. Урьдчилсан шалгуурт тэнцсэн нэр дэвшигчдийг хувьцаа эзэмшигчдийн хуралд танилцуулж шийдвэрлэнэ.
Хаяг: Улаанбаатар хот, Чингэлтэй дүүрэг, 5 хороо, Ж.Самбуугийн гудамж-24, M Plaza оффис, 500 тоот
Утас: 70001234
